Monday, November 19, 2007

區議會選舉後記

星期六晚差不多八點才著陸,第二日七點十五分已經報到陳淑莊的競選大(其實幾小)隊,十二個鐘唔夠,不過四眼陳贏得好,抵嘅!

我的責任是(自稱)「首席營運長」(俗稱司機),利用IT工程分析力發揮物流規劃並執行,好重要㗎,感覺上,好似開專線小巴!麥當奴道、堅尼地道、花園道、紅棉道、馬己仙峽道、山頂道、僑福道巡迴,足足走咗廿輪以上,個人紀錄!七點幾到十一點幾,算幾多更?

再去等點票,其實十一點九已經知道結果,也冇投訴要求重點,但等選舉事務處確認竟然等咗兩個幾鐘,連其他更多選票的票站更慢,有乜理由?陰謀?唉,其實林文傑仲慘,梁永安竟然嚟都唔嚟!

Tanya的團隊全是義工,我哋其實好少人,眼看1號2號人強馬壯,唔驚就假,但實在多謝山頂嘅朋友,這個結果意義重大。除Tanya外,我也幫過在康怡參選的陳啟遠(KY)洗樓同企街,他也嬴了,好開心!

當然,泛民整體是輸了,我認為選民在說,地區工作和經驗開始被年青、專業、形象取代,傳統民主派第二梯隊和地區骨幹夭折,第三代其實已在去年選委選舉出生,Tanya和KY是例子,但要轉為地區班底建立地區網絡,非易事。再說Tanya和KY例子可見,連商界至中產對民立派支持仍存在,只要有好的人才,但這正是最難求的,我們也不及民建聯的包裝工夫。投票率低,令人為十二月二日擔心!

更多圖片

1 Comments:

At 8:53 AM, Anonymous Anonymous said...

果d什麼民主黨老餅,好心就收皮冚旗啦,見到李x達個mung樣就討厭.../ac.

 

Post a Comment

<< Home

-->